VYAKULA VYA WANGA (CARBOHYDRATES)

-

Vyakula vya Wanga (Carbohydrates)

Je, umeshawahi kujiuliza kwanini;
(a) Unakua dhaifu na legelege pale unapokua na njaa?
(b) Kwanini unakua hodari na mchangamfu pale unapokua umeshiba?

Bila shaka wakati wa njaa hua ni dhiki kubwa sana kwako 
na haya ndiyo yaliyojiri;

  • Mwili kukosa nguvu,hali inayopelekea kushindwa kufanya kazi,kushiriki michezo.
  • Akili kuchoka haraka na wakati mwingine kushindwa kufanya kazi hali inayopelekea kushindwa kufikiri na kujifunza vizuri.
  • Wengine hupata maumivu ya kichwa.


 Kinyume cha hayo ni wakati umeshiba unafurahi vizuri hata akili hufanya kazi vizuri hii ni kwasababu mwili umepata nishati kutoka kwenye chakula ulichokula kwa maana nyingine unasema "sasa nina nguvu".

Mwili umendwa na seli ambazo ni mhimili muhimu wa ufanyaji kazi wa mwili.Seli zote za mwili ziwe za misuli,ubongo,ini.. zinahitaji nishati ili ziweze kufanya kazi.
Kama seli zitakosa nishati ni wazi kwamba mwili pia hautakua na kazi.

Hivyo basi ni muhimu sana kujua vyakula gani vitakupatia nishati ya kutosha kwenye mwili ili kuweza kufanya kazi zote zinazohitaji akili na zile zinazotumia nguvu.

 Vyakula pekee ambavyo vitaupatia mwili wako nishati ya kutosha ni hivi vya aina ya wanga au (Carbohydrates) kwa lugha ya kitaalamu.
Vyakula vya wanga huchangia karibu asilimia 60% ya nishati yote inayohitajika mwilini.
Kwabahati nzuri sana vyakula hivi vinapatikana kwa wingi sana kwenye maisha yetu ya kila siku mfano wa vyakula hivyo ni mahindi,mihogo,mchele,ngano,ulezi,mtama viazi vitamu,viazi vikuu na vyengine vyenye asili ya hivyo.
Tukutane wiki ijayo ambapo tutajifunza zaidi kiwango gani unatakiwa kuzingatia katika kula yako ya kila siku.
Ahsante nikutakie ufuatiliaji mwema, na usisahau kusubscribe.

 Vile vile comment ni muhimu kwa utoaji bora wa makala hizi.

Comments

Post a Comment

Popular posts from this blog

MBOGA /VEGETABLES

-
Ni matumaini yangu unaendelea vyema na shughuli za kila siku, tukiwa kwenye muendelezo wa faida za vyakula vyetu leo tunaangalia faida zinazopatikana katika mboga za majani. Iwe asubuhi mchana ama jioni basi hakikisha mlo wako unakuwa na mboga za majani. Imezoeleka sana kwamba kula mboga za majani ni ishara ya kuwa na kipato cha chini hali inayopelekea mboga za majani kubakia kuliwa vijijini na watu wasioweza kununua nyama ama samaki jambo ambalo si kweli, mboga za majani ni kwa watu wote wa rika zote na hii ni kutokana na faida tele zinazopatikana kwenye mboga. Nikushauri tu kama hujawahi kufikiria kula mboga za majni basi fanya kama ilkuwa ndoto na mlo ujao ule mboga za majani. Ni zipi mboga za majani? Ni imani yangu tunazifahamu aina nyingi za majani tunazifahamu na ni rahisi sana kupatikana. Si vibaya tukizitaja japo chache; mchicha,sukuma wiki,pilipili boga/hoho,bamia,karoti,giligilani,kabichi,bilingani, nyanya chungu. Tuangalie picha hapo chini bila shaka tuazigundua nyingi...
Read more

PROTINI (PROTEIN)

-
Waswahili husema mwili haujengwi kwa matofali kinyume chake hujengwa kwa kula vyakula bora, na kama tulikuwa hatufahamu basi mjenzi bora wa miili yetu ni protini, hili ndo kundi la chakula lilovaa dhamana ya matengenezo yote ya mwili. Jinsi ulivyo mrimbwende na mtanashati basi ni matokeo mazuri ya protini. Miongoni mwa mafanikio makubwa yanatokea ndani ya mwili wa binadamu basi neno protini huwezi kuacha kulitaja kila hatua. Protini ni sehemu muhimu sana kwa mifumo yote ya maisha ya binadamu kuanzia uzalishaji, mmengenyo wa chakula,upumuaji,utoaji taka mwili,mzunguko wa damu na ukuaji pamoja na muonekano wa mwili kama vile ngozi,kucha na nywele, vyote hivi vinategemea protini kuweza kufanyika.  Protini ni miongoni mwa kundi kubwa la chakula ambalo mwili wa binadamu unahitaji kwa kiwango maalum kulingana na umri,kazi na wakati mwingine mazingira ambayo anaishi. Kitaalamu protini ni molecule kubwa zilizoundwa kwa amino asidi. Vyakula vyenye kiwango kikubwa cha protini Mayai Ni miongo...
Read more